შრომის უსაფრთხოების აქციის მონაწილეები დაკავებულების მხარდასაჭერად პოლიციასთან მივიდნენ. მათ ეს გადაწყვეტილება აქციის შეწყვეტისა და სამუშაო რეჟიმზე გადასვლის შემდეგ მიიღეს.

შინაგან საქმეთა სამინისტროს ინფორმაციით, თბილისში, ჭავჭავაძეზე მიმდინარე აქციაზე ოთხი პირი დააკავეს. ოთხივე მათგან სამართალდამცავები წვრილმან ხულიგნობასა და პოლიციელის კანონიერი მოთხოვნის დაუმორჩილებლობას ედავებიან. საქმისწარმოება ზოგადი ადმინისტრაციული კოდექსის 166-ე და 173-ე მუხლებით მიმდინარეობს.

თბილისში აქცია მას შემდეგ დაიგეგმა, რაც გუშინ 31 მარტს მშენებლობის დროს კიდევ ორი მუშა გარდაიცვალა. აქცია დაახლოებით ხუთი საათის წინ დაიწყო და ამ დრომდე გრძელდებოდა.