ბევრჯერ დაგვიწუწუნია თბილისის ტროტუარებზე, თუმცა, თურმე ეს პრობლემა მხოლოდ საქართველოში არ დგას.

გზას, რომლის სიგანეც 40 სანტიმეტრამდეა, ბრიტანეთის ყველაზე უაზრო საფეხმავლო ტროტუარი შეიძლება ვუწოდოთ.

ის Barrat Homes-მა დააპროექტა, რაც შემდეგ მოსახლეობამ სახალისო თემად აქცია და მასზე სხვადასხვა ხუმრობაც გავრცელდა:

"იდეალურია პოლიციისთვის, რომელიც მანქანიდან გადასვლას და ტროტუარზე სწორად გავლას გთხოვს", - წერს ადგილობრივი კენ ნაითსი.

დეველოპერებმა მოქალაქეთა ხუმრობებზე უპასუხეს, რომ რეალურად ტროტუარი საფეხმავლო გზისთვის არ გაკეთებულა, არამედ იგი სახლების დიზაინისთვის მოეწყო, მაგრამ ამას მოქალაქეები არ შეუჩერებია. ატვირთულ ფოტოებს სოციალურ მედიაში თავისი ჰეშთეგიც გაუჩნდა #pathgate, კითხვით: რა შემთხვევაში არ ითვლება ტროტუარი ტროტუარად?

ფოტო: Elvita Branch/ SWNS

თბილისი ტყუილად არ გვიხსენებია. 2018 წელს ზუსტად ასეთივე უცნაური ტროტუარი ამშვენებდა ხილიანის ქუჩას, რაც ფეისბუქზე საჯარო განხილვის თემად იქცა.

"დიდი მადლობა მერიას, აღირსეს ტროტუარი ხილიანის ქუჩას!" - წერდა მაშინ ნატა ფერაძე.