გირჩის საპირწონედ შექმნილმა მართლმადიდებლურმა ორგანიზაციამ ჯარისგან ორი პირი გაათავისუფლა. ამის შესახებ ინფორმაცია On.ge-ს ინფრასტრუქტურის სამინისტროდან მიაწოდეს. სწორედ ეს უწყება უზრუნველყოფს სავალდებულო სამხედრო სამსახურში გაწვევას.

მთაწმინდის მაჟორიტარი დეპუტატობის კანდიდატის, გიორგი ანდრიაძის ინფორმაციით, გირჩის ალტერნატივად მართლმადიდებლური ორგანიზაცია შეიქმნა, რომელიც ახალგაზრდებს ჯარისგან გაათავისუფლებს.

მისი განმარტებით, ეს ორგანიზაცია თურქეთში არსებულ, ისტორიულად ჩამოყალიბებულ კატაკომბურ ეკლესიას წარმოადგენს, რომელიც თავისი მრწამსით მართლმადიდებლური ორგანიზაციაა.

ანდრიაძე ამბობს, რომ ორგანიზაციამ უკვე მიმართა იმ პიროვნებებს, რომლებიც არიან მართლმადიდებლები და სიტუაციიდან გამომდინარე გირჩის ორგანიზაციაში მოხვდნენ, "გადაწერილიყვნენ" ახალ ორგანიზაციაში. ანდრიაძე ამბობს, რომ "ამით ეკლესიას ასობით ადამიანი დაუბრუნა".