მარველის კინოსამყაროს სულ მალე შესაძლოა ანჯელინა ჯოლი შეუერთდეს და სუპერგმირის კოსტიუმი მოირგოს.

მოლაპარაკებები მსახიობთან The Eternals-ში მონაწილეობასთან დაკავშირებით მიმდინარეობს, თუმცა ამ ეტაპზე მსახიობს თანხმობა არ განუცხადებია.

ფილმს ჩვენი დროის ერთ-ერთი გამორჩეული რეჟისორი ქლოი ჟაო გადაიღებს, რომელმაც გასულ წელს ერთ-ერთი გამორჩეული ფილმი The Rider შექმნა.

რაც შეეხება The Eternals, სიუჟეტი სელესტიანელებისა და დედამიწის მოსახლეობის ერთ ჯგუფზე მოგვითხრობს.

სელესტიანელებმა ადამიანების მცირე ჯგუფს გარკვეული ძალები უბოძეს, რის შემდეგაც ისინი დედამიწის დამცველები გახდნენ.

ამ ეტაპზე უცნობია როდის დაიწყება ფილმის გადაღებები. კინოკომპანია სავარაუდოდ ჯოლის პასუხს ელის.