თბილისში, ვაგზლის მოედანთან ტაქსის მძღოლები ლეიბორისტულ პარტიასთან ერთად საპროტესტო აქციას მართავენ. ტაქსისტები იმ რეგულაციებს აპროტესტებენ, რომელიც მანქანების თეთრად გადაღებვასა და წელიწადში ორჯერ ტექდათვალიერების გავლას გულისხმობს.

ტაქსის მძღოლები ვაგზლის მოედნიდან მსვლელობით საქართველოს პარლამენტისკენ გაემართნენ. სწორედ, იქ გააკეთებენ აქციის მონაწილეები განცხადებებს და თავის მოთხოვნებსაც გააჟღერებენ.

ახალი რეგულაციები

თბილისში 2019 წლის პირველი ოქტომბრიდან თეთრი ფერის ტაქსები იმოძრავებენ. ამის შესახებ თბილისის მერმა, კახა კალაძემ დედაქალაქის მთავრობის 26 სექტემბრის სხდომაზე განაცხადა.

პირველი ოქტომბრიდან ტაქსის სერვისის განხორციელებას ვერ შეძლებენ სამკარიანი და მარჯვენა საჭიანი ავტომობილები.

კახა კალაძის ინფორმაციით, მოცემულ ეტაპზე, ტაქსის სერვისის განხორციელებაზე 6 200-ზე მეტი ნებართვაა გაცემული. პირველი ოქტომბრიდან კი, ამ საქმიანობის შესაბამისი ლიცენზიის გარეშე განხორციელება 200 ლარით დაჯარიმდება.

კახა კალაძე ამბობს, რომ სატრანსპორტო პოლიტიკის მეორე ეტაპია ვიზუალური სტანდარტი, ყველა ტაქსი მომავალი წლის პირველი ოქტომბრიდან თბილისში თეთრი უნდა იყოს