კანადელი მსახიობი და ჯონ ვიკის როლის შემსრულებელი კიანუ რივზი სან-ფრანცისკოდან ლოს-ანჯელესისკენ მიემგზავრებოდა, როდესაც თვითფრინავი ბეიკერსფილდში ავარიულად დაეშვა.

მგზავრებს შორის არავინ დაშავებულა, თუმცა უამრავი ადამიანი ნერვიულობისა და გეგმების ჩაშლის ფონზე დაბნეული იყო და არც ისე კარგად გრძნობდა თავს. სწორედ ამ დროს შექმნილი სიტუაციის განსამუხტად ჯონ ვიკის როლის შემსრულებელი გამოჩნდა.

მან მგზავრებს ავტობუსით გადაადგილება ურჩია. როგორც ადგილობრივის მიერ გადაღებული ვიდეოდან ჩანს, ის მათ უმტკიცებს, რომ ლოს-ანჯელესში ავტობუსით უფრო მალე ჩავლენ, ვიდრე თვითმფრინავით ჩაფრინდებიან.

ვინ იტყოდა უარს 54 წლის მსახიობის შეთავაზებაზე?

როგორც ერთ-ერთი მგზავრი ამბობს, რივზი ავტობუსით მგზავრობისას სასაცილო ამბებს ყვებოდა, შემდეგ კი მათ იუთუბიდან ქანთრის ჟანრის მისი საყვარელი სიმღერები მოასმენინა.

"როცა თითქმის ავიაკატასტროფაში მოყვები, შემდეგ მიყრუებულ აეროპორტში ავარიულად დაეშვები, მაგრამ ბოლოს და ბოლოს კიანუ რივზსაც შენსავით ცუდი დღე აქვს".

"კიანუ კალიფორნიაში "გაიჭედა" და შემდეგ თვითმფრინავის ნაცვლად ავტობუსით იმგზავრა. ვიღაცამ ეს ყველაფერი გადაიღო, გთხოვთ ნახეთ".