პრეზიდენტმა, სალომე ზურაბიშვილმა ჟურნალისტებთან საუბრისას თქვა, რომ ნატოს გენერალურ მდივანთან, იენს სტოლტენბერგთან საუბრისას ოკუპირებული ტერიტორიებზე გააკეთა აქცენტი. მან აღნიშნა, რომ ჟენევის ფორმატი უნდა გააქტიურდეს და მან პოლიტიკური დატვირთვა უნდა მიიღოს:

"ძალიან დამძიმდა ოკუპაციის ხაზთან რუსეთის ქმედებები, ეს იქნება მცოცავი ოკუპაცია გატაცებები თუ მუქარები, რაც ისმოდა ბოლო პერიოდში ნატოს წვრთნებზე. ეს უნდა იყოს ჩვენი ყოველდღიური სათქმელი ჩვენს პარტნიორებთან. იცოდნენ, რომ ჩვენ ვაგრძელებთ აგრესიული პოლიტიკის მიუხედავად ჩვენს სამშვიდობო გეგმებს", — განაცხადა სალომე ზურაბიშვილმა.

პრეზიდენტს ჟენევის ფორმატის ცვლილებაზე ადრეც უსაუბრია. სომხეთში ვიზიტის დროს მან განაცხადა, რომ ჟენევის მოლაპარაკებები "გარდამტეხის შემომტანი არაა". შემდგომში მან დააზუსტა, რომ ჟენევის დისკუსიები არ უნდა გაუქმდეს, თუმცა "საჭიროა პოლიტიკური ფორმატზე ფიქრი და საკითხის სხვა დონეზე დაყენება".