აუშვიცის მუზეუმმა ვიზიტორთა ფოტოები გააზიარა, რომლებიც მასთან მდებარე მატარებლის ლიანდაგებზე პოზირებდნენ. დაწესებულებამ მათ საქციელს გარდაცვლილების მიმართ უპატივცემულობა უწოდა.

"როდესაც აუშვიცის მუზეუმს სტუმრობ, გაიხსენე, რომ შენ იმ ადგილას ხარ, სადაც დაახლოებით ერთი მილიონი ადამიანი ემსხვერპლა ნაცისტურ რეჟიმს. პატივი ეცი მათ. აქ უკეთესი ადგილებიცაა, სადაც შეგიძლია ისწავლო, როგორ გაიარო მატარებლის ლიანდაგზე, ვიდრე ადგილი, რომელიც უამრავი ადამიანის სიკვდილს იტევს", - დაწერა აუშვიცის მუზეუმმა საკუთარი ტვიტერის გვერდზე.

სწორედ ამ ლიანდაგებზე ვაგონებს ჰოლოკოსტის მსხვერპლი ნაცისტურ საკონცენტრაციო ბანაკში გადაჰყავდა.

ფოტო: REUTERS

აუშვიცი ნაცისტების მიერ დაარსებული საკონცენტრაციო ბანაკი იყო, სადაც ტყვეობაში აგდებდნენ და ხოცავდნენ ჰომოსექსუალ, ებრაელ და პოლიტიკურ პატიმრებს მეორე მსოფლიო ომის პერიოდში.

70 წლის შემდეგ ყოველწლიურად მილიონობით ადამიანი სტუმრობს ოსვენციმის მემორიალს, რომელიც ახლა სამხრეთ პოლონეთის ნაწილია.

ტვიტერის შემდეგ პოსტში აუშვიცის ოფიციალური ექაუნთი წერს, რომ ის ფოტოგრაფებს არ უკრძალავს ამ ადგილის გადაღებას, თუმცა ფოტოების გადაღება ეკრძალებათ რიგით ვიზიტორებს.

პაულ სავიცკიმ, რომელიც აუშვიცის მუზეუმის პრესის წარმომადგენელია, Business Insider-თან თქვა, რომ მათი მისიის ნაწილი ნაცისტური რეჟიმის მსხვერპლის ღირსებისა და მემორიალის დაცვაა.

"ჩვენი მიზანია, რომ ამ საკითხზე ცნობადობა გაიზარდოს. ადამიანებმა უნდა იცოდნენ იმ ადგილის ისტორიის შესახებ, რომელსაც სტუმრობენ" - დასძინა მან.

სავიცკიმ ასევე აღნიშნა, რომ მუზეუმს არ სურდა რამდენიმე ადამიანის ფოტოს გამოაშკარავება სოციალური ქსელიდან.

მუზეუმს თავისი ინსტაგრამის ანგარიშიც აქვს, სადაც ის მისი მომხმარებლის ფოტოებს ტვირთავს და სათაურსაც აწერს:

"გვერდი შექმნილია იმისთვის, რათა უკეთ აჩვენოს, თუ როგორ შეუძლიათ ფოტოებს, უკვდავყონ მსხვერპლი და ასწავლონ ადამიანებს ის რთული და ემოციური ისტორია, რასაც აუშვიცი იტევს" - წერს მუზეუმი.