საქართველოს ფოსტამ დღგ გადაიხადა იმ ორ მომსახურებაში, რომელიც საქართველოს საგადასახადო კოდექსის თანახმად, დამატებული ღირებულების გადასახადისგან გათავისუფლებულია. დღგ-დ გადახდილი თანხის რაოდენობა 42 403 ლარია. ამის შესახებ აუდიტის ანგარიშშია ნათქვამი.

შესყიდული მომსახურება

  • შპს აიფუდისგან ავტოსატრანსპორტო საშუალებები შეიძინა, რომლის ღირებულება, დღგ-ს ჩათვლით, 92 700 ლარი იყო. ამ თანხიდან დღგ 14 400 ლარია;
  • შპს გამომცემლობა კოლორისგან ბეჭდვის მომსახურება შეისყიდა, რაშიც დღგ-ს ჩათვლით 119 039 ლარი გადაიხადა. ამ თანხიდან დღგ 18 159 ლარია.

აუდიტის დასკვნის მიხედვით, არასწორად გადახდილი დღგ-ს შედეგად 2017 წელს კომპანიიდან, საჭიროების გარეშე, 42 403 ლარი დაიხარჯა. თუმცა, ამ თანხის ნაწილი კომპანიამ ჩაითვალა და აღიარა. მათივე ინფორმაციით, შპს აიფუდისთვის გადახდილი 13 866 ლარი არ არის ჩათვლილი და მომწოდებელმა უნდა დაუბრუნოს.