შინაგან საქმეთა სამინისტროს ინფორმაციით, ოზურგეთის მუნიციპალიტეტის სოფელ გურიანთის საჯარო სკოლის გაქურდვისთვის სამი არასრულწლოვანი ამხილეს.

უწყების ცნობით, 2019 წლის 15 მარტს, ღამის საათებში არასრულწლოვნებმა სკოლიდან ორი ნოუთბუქი, პერსონალური კომპიუტერი, ქსეროქსის აპარატი და მუსიკალური ცენტრი მოიპარეს.

საქმეზე გამოძიება სისხლის სამართლის კოდექსის 177-ე მუხლის მე-2 ნაწილის "ა" და "ბ" ქვეპუნქტებით მიმდინარეობს, რაც გულისხმობს სადგომში ან სხვა საცავში უკანონო შეღწევით ჩადენილ ქურდობის ფაქტს, რამაც მნიშვნელოვანი ზიანი გამოიწვია.