სამოქალაქო ავიაციის სააგენტომ საქართველოს საჰაერო სივრცეში Boeing 737-8 MAX-ისა და 737-9 MAX-ის ფრენები დროებით შეაჩერა. ეთიოპიაში Boeing 737-8 MAX-ის ავიაკატროფის შემდეგ, რომელსაც 154 ადამიანი ემსხვერპლა, რამდენიმე ქვეყანაში ამ ტიპის ბოინგის ფრენა აიკრძალა.

"ფრენები შეიზღუდება, სანამ საერთაშორისო საავიაციო ორგანიზაციებს, საავიაციო შემთხვევის მოკვლევის ორგანოებს, შესაბამის საავიაციო ხელისუფლებებს და მწარმოებელ კომპანიას არ ექნებათ უფრო მეტი ინფორმაცია და მოკვლევის პირველადი შედეგები ეთიოპიაში მომხდარი ავიაკატასტროფის გამომწვევი მიზეზების შესახებ", — ნათქვამია სააგენტოს განცხადებაში.

გარდა ამისა, სააგენტო განმარტავს, რომ საქართველოს სამოქალაქო საჰაერო ხომალდების სახელმწიფო რეესტრში Boeing 737 MAX ტიპის თვითმფრინავები არ ირიცხება.

Boeing 737-8 MAX-მ ბოლო ნახევარი წლის განმავლობაში ორი ავიაკატასტროფა განიცადა. ეთიოფიის შემთხევვის შემდეგ აზიის რამდენიმე ქვეყანაში ამ მოდელის ფრენები აიკრძალა. იგივე გადაწყვეტილება მიიღეს ევროკავშირის საავიაცო უსაფრთხოების სააგენტოში. აშშ-სა და კანადაში კი ბოინგების ექსპლუატაცია გრძელდება.

აშშ-ს საავიაციო სამსახურში სენატორებისა და პროფკავშირების წნეხის მიუხედავად ბოინგის ფრენებს არ შეზღუდავენ.