• საერთაშორისო კომპანია ტაქსიფაი რებრენდინგის შედეგად ბოლტი გახდა
  • ცვლილება უკვე აისახა კომპანიის ვებსაიტზე. Taxify.eu-ზე შესვლისას თქვენ Bolt.eu-ზე აღმოჩნდებით, სადაც განახლებულ ლოგოსაც ნახავთ.
  • იმისთვის, რომ სახელის ცვლილება საზოგადოებამ მარტივად მიიღოს, ამჟამად კომპანია საკუთარ თავს Bolt (Taxify)-ს უწოდებს.

კომპანიაში აცხადებენ, რომ ცვლილება მომსახურების გაფართოებასთან არის კავშირში: "მომავალი ელექტრო სატრანსპორტო საშუალებებისაა და გვინდა, რომ მომხმარებლები მხოლოდ მანქანებით კი არა, ელექტროსკუტერებითაც გვიცნობდნენ".

როგორც ბოლტის აღმასრულებელი დირექტორი და თანადამფუძნებელი, მარკუს ვილიგი ამბობს, ბოლტი ნიშნავს სწრაფ და მარტივ მოძრაობას, რაც ზუსტად ასახავს, როგორი უნდა იყოს ქალაქში გადაადგილება ავტომობილით თუ სკუტერით.

"მომდევნო კვირების განმავლობაში, ახალი ბრენდი ეტაპობრივად შევა გლობალურ ბაზარზე. მომხმარებლებისთვის აპლიკაცია ავტომატურად განახლდება", — განმარტავს მარკუს ვილიგი.

ბოლტი ტაქსიფაის ქვებრენდი იყო, რომელიც ელექტროსკუტერების გაქირავების სერვისით პარიზში ექვსი თვის წინ გამოჩნდა.

ამავე თემაზე:

Taxify-მ დაფინანსების მორიგ რაუნდში $175 მლნ-ის ინვესტიცია მიიღო