"ეს სასტიკი და არაადამიანური მოპყრობაა, რომ მამამ ან დედამ ბავშვს ყური აუწიოს?... არ უნდა აუწიოს?" — ეს კითხვა მთაწმინდის მაჟორიტარობის მსურველი, კობა დავითაშვილმა ბავშვთა კოდექსის განხილვის დროს დასვა.

ყოფილი პარლამენტარის თქმით, ტერმინი ფიზიკური დასჯა ზოგადია და დაკონკრეტება სჭირდება. მან ყურადღება ბავშვთა კოდექსში ალტერნატიული ზრუნვის საფუძვლებზე ისაუბრა. დოკუმენტში აღნიშნულია, რომ ბავშვის მიმართ დისციპლინურ ზომებად ფიზიკური დასჯის, არაადამიანური, სასტიკი მოპყრობის, ჩაკეტილ სივრცეში მოთავსების, ფსიქოლოგიური და ფსიქოლოგიური ძალადობის გამოყენება აკრძალულია.

"მე შევიკავებდი თავს, მაგრამ მივანდობდი ამას ჩვენს შინაგან კულტურას, აღზრდას", — აღნიშნა დეპუტატმა. მისივე თქმით, ჩაკეტილ სივრცეში მოთავსება და ფსიქოლოგიური ძალადობაც ზოგადი ტერმინებია და დაკონკრეტებას საჭიროებს.