შინაგან საქმეთა სამინისტროს მომსახურების სააგენტოს განცხადებით, დღეიდან, 1-ლი მარტიდან იურიდიული ძალა ეკარგება 2014 წლის 1 მარტამდე გაცემულ C, CE, D და DE კატეგორიის და ქვეკატეგორიის მართვის მოწმობებს. უწყების განცხადებით, იმ პირებს, ვისაც ამ დროიდან მოწმობა არ განუახლებიათ სატრანსპორტო საშუალების მართვის უფლება არ აქვთ.

მართვის მოწმობის შეცვლა-აღდგენა ფასიანია. შეცვლის ღირებულება 15 ლარია, ხოლო დაკარგულის აღდგენის შემთხვევაში — 35 ლარი. შესაცვლელად მოქალაქემ მომსახურების სააგენტოს ნებისმიერ ფილიალში უნდა წარადგინოს:

  • ცნობა ჯანმრთელობის მდგომარეობის შესახებ;
  • პირადობის დამადასტურებელი მოწმობა;
  • არსებული მართვის მოწმობა.

უწყების განცახდებით, დღეიდან მომსახურების სააგენტო წყვეტს მუშაობის სპეციალურ რეჟიმს და მართვის მოწმობის შეცვლა სტანდარტულ სამუშაო საათებში იქნება შესაძლებელი.