საქართველოს პარლამენტის წევრი, დავით მათიკაშვილი ამბობს, რომ ვიდეოს სახელწოდებით "პოლიტიკოსების ჯგუფური სექსი" პოლიციის თანამშრომლებთან ერთად ნახა. ამის შესახებ მან On.ge-სთან საუბრისას აღნიშნა.

"იქ რაც აღმოჩნდა, ვნახეთ, რომ არ იყო მასეთი შინაარსის ანუ პარლამენტის წევრებზე არ იყო საუბარი და დაიწყო შესაბამისი პროცედურები", — ამბობს მათიკაშვილი.

ვიდეოს ლინკი წარწერით "პოლიტიკოსის ჯგუფური სექსი" დეპუტატს გირჩის ლიდერმა, ზურა ჯაფარიძემ გაუგზავნა. ჯაფარიძე ფეისბუქზე წერს, რომ იურიდიულ საკითხთა კომიტეტის თავმჯდომარის მოადგილემ ვიდე გადმოქაჩა და უყურა, მათიკაშვილი კი ამბობს, რომ საგამოძიებო სამსახურთან ითანამშრომლა.

შინაგან საქმეთა სამინისტოში აცხადებენ, რომ დეპუტატებისგან შესულ შეტყობინებაზე მყისიერი რეაგირება მოახდინეს.

"[პარლამენტარებმა] სამსახურებრივ მეილზე მიიღეს შეტყობინება სავარაუდო პირადი ცხოვრების ამსახველი კადრების შესახებ, რომელიც არ ჩამოუტვირთავთ და არ გაუხსნიათ... ადგილზე მივიდნენ პოლიციის თანამშრომლები, რომლებმაც ჩამოტვირთეს ვიდეო ფაილი, გახსნეს და დაადგინეს, რომ კადრები არ შეიცავდა პირადი ცხოვრების ამსახველ მონაცემს და იყო ფრაგმენტი ერთ-ერთი ფილმიდან", — აღნიშნავენ შსს-ს პრესსამსახურში.