დღეს უნგრელ ხელოვანზე მოგიყვებით, რომელმაც თავისი საინტერესო იდეის სისრულეში მოსაყვანად უდიდესი ძალისხმევა და ენერგია დახარჯა, შედეგი კი ჩვენც გაგვიზიარა.

საქმე ის არის, რომ არტისტმა მოძრავი ტატუს შესაქმნელად 70 ადამიანის სხეული მოხატა. თითოეული ნახატის ნახვის შედეგ კი მარტივად მიხვდებით, რომ ისინი ერთმანეთის ლოგიკური გაგრძელებაა.

ფოტო: balazsbercsenyi

აღსანიშნავია, რომ წარმატებულ პროექტში მონაწილეობის სურვილი, რომელსაც "ვარდის ცხოვრება" ჰქვია, ასობით ადამიანმა გამოთქვა.

მოძრავი ტატუ ყვავილის ზრდის პროცესს ასახავს და საბოლოო ჯამში ის ერთი ადამიანის ხელიდან, მეორეში ხვდება.

"ვარდი იმიტომ შევარჩიე, რომ ის ულამაზესი ყვავილია, რომელიც უკვე დიდი ხანია სიყვარულის სიმბოლოდაა ქცეული" - ამბობს უნგრელი ხელოვანი.