ფრანგული ავიაკომპანია Air France იმ პირებს, რომლებიც ნოტრ-დამის ეკლესიის აღდგენაში იღებენ მონაწილეობას უფასო ბილეთებს სთავაზობს. ამის გარდა, კომპანიამ საქველმოქმედო აქცია დაიწყო მის მომხმარებლებს შორის, რათა პარიზის ღვთისმშობლის ტაძრის რეკონსტრუქციაში თავისი წვლილი შეიტანოს.

"მსოფლიოს სხვადასხვა ადგილზე მყოფი ჩვენი გუნდის წევრები ნოტრ-დამის ხანძარმა ძალიან დაამწუხრა. Air France უფასო ტრანსპორტირებას უზრუნველყოფს ყველა იმ ოფიციალური პირის, რომელიც პარიზის ღვთისმშობლის ტაძრის რეკონსტრუქციაში ჩაერთვება", - წერია განცხადებაში.

პარიზის ღვთისმშობლის ტაძარში ხანძარი 15 აპრილს გაჩნდა. პროკურატურის განცხადებით, მისი მიზეზი შემთხვევითობაა. ცეცხლის შედეგად, ტაძრის ხის სახურავი მთლიანად დაიწვა.

"ნოტრ-დამს 5 წელში აღვადგენთ და ის კიდევ უფრო მშვენიერი იქნება", - განაცხადა საფრანგეთის პრეზიდენტმა ემანუელ მაკრონმა.

ამავე თემაზე: