საქართველოს პრეზიდენტი სალომე ზურაბიშვილი ავღანეთში ქართველ სამხედროებს შეხვდა. პრეზიდენტთან ერთად ავღანეთში თავდაცვის მინისტრი ლევან იზორია და პრეზიდენტის ადმინისტრაციის უფროსი ლაშა ჟვანია იმყოფებოდნენ.

ფოტო: სალომე ზურაბიშვილის პრესსამსახური

პრეზიდენტის პრესსამსახურის ინფორმაციით, ის ბაგრამის და ქაბულის ბაზებზე ჩავიდა და მშვიდობისმყოფელებს შეხვდა. ასევე პატივი მიაგო დაღუპულ ქართველ სამხედროებს.

ფოტო: სალომე ზურაბიშვილის პრესსამსახური

"როგორც მთავარსარდალსა და რიგით ქართველს მეამაყება, რომ ყველა აღნიშნავს ჩვენი სამხედროების მაღალ პროფესიონალიზმსა და თავდადებას", — განაცხადა ზურაბიშვილმა.

ფოტო: სალომე ზურაბიშვილის პრესსამსახური

არჩევნებამდე რამდენიმე დღით ადრე, საოკუპაციო ხაზთან ყოფნის დროს, სალომე ზურაბიშვილმა აღნიშნა, რომ მისი პირველი ვიზიტი ავღანეთში იქნებოდა. პრეზიდენტის პირველი ოფიციალური ვიზიტით ბრიუსელს ეწვია.