რუსეთის გენერალურმა პროკურატურამ საქართველოს რუსი ჰაკერის, იაროსლავ სუმბაევის ექსტრადიციის მოთხოვნით მიმართა. როგორც BBC-ის რუსული გამოცემა წერს, რუსეთში მას თაღლითობაში სდებენ ბრალს. გამოძიების ინფორმაციით, 2013-2014 წლებში ჰაკერები ტუროპერატორებისგან მოპარული მონაცემებით რკინიგზის ფიქტიურ ბილეთებს აფორმებდნენ.

გამოცემა წერს, რომ ჰაკერი სუმბაევი საქართველოში 2018 წლის 5 ნოემბერს სპეცოპერაციის დროს დააკავეს. მას ბრალად იარაღის უკანონო შეძენა და ყალბი პასპორტის გამოყენება ედება ბრალად.

BBC ორ წყაროზე დაყრდნობით აღნიშნავს, რომ რუსეთის გენერალურმა პროკურატურამ საქართველოში ექსტრადიციის მოთხოვნა 26 ნოემბერს გააგზავნა. ერთ-ერთი წყარო კი ამბობს, რომ სუმბაევის ექსტრადიცია აპრილამდე მოხდება. გენერალურმა პროკურტურამ ექსტრადიციის მოთხოვნა გამოცემას ჯერ არ დაუდასტურა.

გარდა ამისა, სუმბაევის დაკითხვას აპირებენ მისი საქმის გამომძიებლის, ევგენია შიშკინას მკვლელობის საქმეზეც. შიშკინა 2018 წლის 10 ოქტომბერს საკუთარ სახლთან მოკლეს. გამოცემა ჰაკერის ადვოკატზე, ზურაბ თოდუაზე დაყრდნობით წერს, რომ მისი დაცვის ქვეშ მყოფი კიბერთავდასხმის ბრალდებას ნაწილობრივ აღიარებს, თუმცა შიშიკინას მკვლელობაში მონაწილეობას კატეგორიულად უარყოფს.

ექსტრადიციასთან დაკავშირებით On.ge დაუკავშირდა საქართველოს მთავარ პროკურატურას და ინფორმაციას ელოდება.