საპარტნიორო ფონდის დირექტორმა, დავით საგანელიძემ 2018 წელს 294 ათასი ლარი გამოიმუშავა. მისი ყოველთვიური ხელფასი 24,5 ათასი ლარს გამოდის. ამის შესახებ მან ქონებრივ დეკლარაციაში მიუთითა, რომელიც ვადის ამოწურვის ბოლო წუთებში შეავსო.

წინა წლებთან შედარებით საგანელიძის ხელფასი შემცირდა. 2017 წელს შევსებული დეკლარაციით ამავე თანამდებობაზე მან 336 000 ლარი გამოიმუშავა, რაც თვეში 28 000 ლარს უდრიდა.

2017 წელი საპარტნიორო ფონდმა 441 მილიონი ლარის ზარალით დაამთავრა. ეს ინფორმაცია 2018 წლის ფისკალური რისკების ანალიზში წერია, რომელიც მთავრობამ 2019 წლის ბიუჯეტის პროექტს დაურთო. ფისკალური რისკების ანალიზში ვკითხულობთ, რომ უარყოფითი მაჩვენებლის ძირითადი მიზეზი საქართველოს რკინგზის 354 მილიონიანი ზარალია.