აშშ-ს პრეზიდენტის, დონალდ ტრამპისა და ჩრდილოეთ კორეის ლიდერის, კიმ ჩენ ინის მეორე სამიტი, შესაძლოა თებერვლის ბოლოს ვიეტნამში გაიმართოს. ინფორმაციას ამის შესახებ CNN წყაროებზე დაყრდნობით ავრცელებს. გამოცემის ინფორმაციით, შეხვედრა ქალაქ დანანგში გაიმართოს.

თეთრმა სახლმა ტრამპისა და კიმ ჩენ ინის მორიგი შეხვედრა 18 იანვარს დააანონსა. ლიდერების პირველი შეხვედრა სინგაპურში 2018 წლის 12 ივნისს ჩატარდა. ისტორიული შეხვედრის შემდეგ, დადებითი შეფასებების მიუხედავად, ტრამპმა ჩრდილოეთ კორეას სანქციები გაუხანგრძლივა. რამდენიმე დღით ნათქვამი "ჩრდილოეთ კორეიდან ბირთვული საფრთხე აღარ არის" ამერიკის პრეზიდენტმა "საგანგებო საფრთხით" შეცვალა.

ტრამპის განმარტებით, ჩრდილოეთ კორეა ისევ უქმნის საფრთხეს ამერიკის უსაფრთხოებას. მისივე თქმით, სანქციები იმ შემთხვევაში გაუქმდებოდა თუ კიმ ჩენ ინი ბირთვული განიარაღების პირობას შეასრულებდა, რაც არ მოხდა.

12 ივნისს სინგაპურში ტრამპმა და კიმ ჩენ ინმა ერთობლივ დოკუმენტს მოაწერეს ხელი. ტრამპმა პირობა დადო, რომ ჩრდილოეთ კორეისთვის უსაფრთხოების გარანტიებს უზრუნველყოფდა. კიმ ჩენ ინმა კი დაადასტურა, რომ მოხდებოდა კორეის ნახევარკუნძულის ბირთვული განიარაღება.

ამავე თემაზე: