კანადელ მომღერალს სელინ დიონს სურს, რომ მის პირად ცხოვრებაზე აგორებული მითქმა-მოთქმები დასრულდეს.

მედია განიხილავს მის სავარაუდო ურთიერთობას, 34 წლის მოცეკვავე პეპე მურიოზთან, თუმცა სელინი ამბობს, რომ ის უბრალოდ მისი მეგობარია.

სელინი და პეპე ერთად პარიზის მოდის კვირეულზე დააფიქსირეს. მომღერლის თქმით, განიცდის იმ არასასურველი ყურადღების ზღვას, რომელსაც პეპეს მიმართ მის გამო იჩენენ:

"ჩვენ საუკეთესო მეგობრები ვართ, ერთმანეთს ვეხუტებით და ხელჩაკიდებული გავდივართ გარეთ, ხალხი კი ამას ხედავს. არადა, ის უბრალოდ ჯენლტმენია და თან, ძალიან სიმპატიური".

დიონი გამოეხმაურა მედიის ინტერესს, ჰქონდა თუ არა სასიყვარულო ურთიერთობები ქმრის სიკვდილის შემდეგ:

"როცა ვამბობ, რომ მარტო ვარ, ეს ნიშნავს, რომ თავი უნდა დამანებოთ, დიდი მადლობა".

მომღერალი ასევე აღნიშნავს, რომ არ სურს, პრესა მის წონას განიხილავდეს და დასძენს, რომ თავს კარგად გრძნობს.

ფოტო: Pierre Suu / Getty Images

ფოტო: Splash News