10 ვარსკვლავური წყვილი, რომელიც ერთმანეთს შემთხვევით შეხვდა და დღეს ერთად არიან

სწორ დროს, სწორ ადგილას ყოფნა ხშირად ყველაზე დიდი წარმატებისა და ბედნიერების მომტანია. ამაში კი ეს 10 წყვილიც გვარწმუნებს, რომელთა დიდი სიყვარულის ისტორიაც სწორედ შემთხვევითი შეხვედრით დაიწყო.

1. პრინცი ჰარი და მეგან მარკლი

თუ რომანტიკული კომედიები გიყვართ, მაშინ მეგანისა და ჰარის სიყვარულის ისტორია ამისთვის ზედგამოჭრილია. მეგანმა ერთ-ერთ ინტერვიუში თქვა, რომ ჰარი პირველად მათ საერთო მეგობართან ნახა, შემდეგ კი ჰარიმ ამავე მეგობრის დახმარებით ის პაემანზე დაპატიჟა.

2. ბლეიკ ლაივლი და რაიან რეინოლდსი

ერთი შეხედვით ეს შემთხვევითი შეხვედრა არ იყო, ისინი საერთო ფილმის Green Lanther გადასაღებ მოედანზე შეხვდნენ ერთმანეთს. თუმცა, ამ პერიოდში ორივე მათგანი სულ სხვა ადამიანს ხვდებოდა. როგორც ბლეიკი ყვება, საბოლოოდ მათ ერთმანეთი იმდენად მოეწონათ, რომ ერთობლივ პაემანზე წასვლა გადაწყვიტეს.

3. ემილი ბლანდი და ჯონ კრასინსკი

The Devil Wears Prada არამხოლოდ ერთ-ერთი ყველაზე პოპულარული ფილმი, არამედ დიდი სიყვარულის დასაწყისიც გახდა. მართალია ჯონი ამ ფილმში არ თამაშობდა, თუმცა ის ენ ჰეთეუეის ახლო მეგობარი იყო. ფილმის გადაღებების დროს კი ემილი და ენიც დაახლოვდნენ. საბოლოოდ, 2006 წელს ენმა გადაწყვიტა, ეს ორი ადამიანი ერთმანეთისთვის შეეხვედრებინა და როგორც ხედავთ, ოსკაროსანი ჰეთეუეის იდეამ გაამართლა.

4. ჯასტინ ტიმბერლეიკი და ჯესიკა ბილი

2007 წელს, ოქროს გლობუსის დაჯილდოების ცერემონია ჯასტინისთვის და ჯესიკასთვის საბედისწერო აღმოჩნდა. სწორედ აქ შეხვდა წყვილი პირველად ერთმანეთს.

5. ენ ჰეთეუეი და ადამ შულმანი

2008 წლის Palm Springs Film Festival-ზე ადამისა და ენის საერთო მეგობარმა ისინი ერთმანეთს გააცნო. ამ პერიოდში ენი ახალი დაშორებული იყო თავის ექსს და როგორც წყაროები წერენ, ადამისა და მისი ურთიერთობა მალევე აეწყო.

6. ჟიზელ ბიუნდჰენი და ტომ ბრედი

შესაძლოა ეს სასიყვარულო ისტორია არც შემდგარიყო, რადგან ჟიზელს თვისი მეგობრები ხშირად უწყობდნენ შემთხვევით პაემნებს. ამისგან დაღლილ მოდელს კი აღარ სურდა ვინმეს გაცნობა. ასევე იყო ტომის შემთხვევაშიც, თუმცა ჟიზელმა საბოლოოდ მაინც გადაწყვიტა ერთი საღამო მასთან გაეტარებინა და როგორც ხედავთ, ამ ყველაფერმა გაამართლა.

7. კრის ჰემსვორტი და ელსა პატაკი

რა ხდება როდესაც ესპანელი და ავსტრალიერი მსახიობი ერთმანეთს ხვდებიან? ისინი დიდხანს და ბედნიერად ცხოვრობენ. ისინი ერთმანეთს პირველად შემთხვევით შეხვდნენ 2010 წელს და როგორც კრისი ყვება, ეს ერთი ნახვით შეყვარება იყო.

8. კამერონ დიაზი და ბენჯი მედენი

კამერონი და ბენჯი ერთმანეთს პირველად მათი თინეიჯერობისას შეხვდნენ, თუმცა შემდეგ წლების განმავლობაში ერთმანეთი აღარ უნახავთ. თუმცა ერთ დღეს, როდესაც კამერონი საქველმოქმედო საღამოს ესწრებოდა, მედენი მასთან მივიდა და კიდევ ერთხელ შეახსენა თავი. საბოლოოდ, წყვილმა ურთიერთობა გააგრძელა და დღეს ბედნიერად ცხოვრობენ.

9. ემი შუმერი და კრის ფიშერი

ემი შუმერისა და კრის ფიშერის გაცნობაში ყველაზე დიდი როლი კრისის დამ ითამაშა, რომელიც იმ ექიმის ასისტენტი იყო, ვისთანაც ემი დადიოდა. ფიშერი, რომელიც ისეთი ცნობილი ადამიანების პირადი მზარეული იყო, როგორებიც არიან ობამები და ჯეიკ ჯილენჰოლი, თავისი დის ინიციატივით ემი ვახშამზე დაპატიჟა და საბოლოოდ მათი ურთიერთობაც ბედნიერად დასრულდა.