"ქელეხის თამადა", "გადადექი", "წადი" — ეს ის სიტყვებია, რომლითაც აქციის მონაწილეები სააპელაციო სასამართლოს უვადო მოსამართლეს, ლევან მურუსიძეს სამუშაო შეხვედრაზე შესვლამდე ეძახდნენ. თბილისში, სასტუმრო რედისონ ბლუ ივერიაში აქციის პარალელურად მოსამართლეების არჩევის კრიტერიუმებთან დაკავშირებით სამუშაო შეხვედრაა დაგეგმილი.

დღეს, 27 იანვარს არასამთავრობო ორგანიზაციებისა და მოქალაქეების ნაწილი სასამართლო სისტემაში რეალური ცვლილებების მოთხოვნით საპროტესტო აქციას მართავენ. მათი ერთ-ერთი მოთხოვნა სისტემიდან მურუსიძე-ჩინჩალაძის კლანისა და იუსტიციის უმაღლესი საბჭოდან მურუსიძის უვადოდ დამნიშვნელი წევრების წასვლაა.