როგორც უკვე იცით, ინგლისელი შეშლილი გოგოების ჯგუფი, Spice Girls დაბრუნდა და გაზაფხულის ბოლოს, დიდ ბრიტანეთში ტურნესაც გამართავს. თუმცა მათ შორის არ იქნება ვიქტორია ბექჰემი.

პოპ მომღერლიდან მოდის ცნობილ დიზაინერად გადაქცეული ბექჰემი ამბობს, რომ ის ფაქტი, რომ სცენაზე გოგოებთან ერთად არ იქნება, მისთვის სევდისმომგვრელია, იმის მიუხედავად, რომ არჩევანი თავად გააკეთა.

ფოტო: Getty Images

გარდიანთან ინტერვიუში ვიქტორია დასძენს, რომ სიურპრიზის სახით სცენაზე მის გამოჩენას არ უნდა ველოდოთ.

"დარწმუნებული ვარ, რომ როცა ისინი სცენაზე იქნებიან, ჩემში რაღაც ნაწილი მარტოდ იგრძნობს თავს, რადგან ჩემი ერთი მხარე ყოველთვის იქნება სფაის გერლი".

44 წლის ბექჰემის თქმით, ის მოდის ინდუსტრიაზეა კონცენტრირებული და მთელი ენერგიის დათმობა თავის საქმეზე სურს.

სფაის გერლზის ტურნე 29 მაისს მანჩესტერიდან დაიწყება. ემა ბანტონის, ჯერი ჰოლიველის, მელანი C-სა და მელანი B-ს გუნდი გაერთიანებულ სამეფოში სულ 11 შოუს გამართავს.