2015 წლის 5 ნოემბერს მსოფლიო ფოტოგრაფიის ორგანიზაციამ ახალი კონკურსი ZEISS "Seeing beyond" დააარსა.

კონკურსი ყოველწლიურად ჩატარდება და მასში მონაწილეობის მიღება ყველა ფოტოგრაფს უფასოდ შეეძლება.

კონკურსს ყოველ წელს ახალი თემა ექნება და საკონკურსო ფოტოები თემატური უნდა იყოს. პირველი საკონკურსო წლის თემა "მნიშვნელოვანი ადგილები" იყო.

ფოტოგრაფებს 2016 წლის 5 თებერვლამდე ჰქონდათ ვადა, კონკურსში 3 - 10 ფოტოსგან შემდგარი სერიები შეეტანათ.

გამარჯვებული

ტამინა-ფლორენტინ ცუხი, გერმანია

სერია: მოგზაურობა ინდოეთში მატარებლით

არსად მსოფლიოში იმდენი ადამიანი არ მგზავრობს მატარებლით, რამდენიც ინდოეთში. ამ ქვეყანაში ყოველდღიურად 20 მილიონი ადამიანი იყენებს რკინიგზას ერთი ადგილიდან მეორემდე გადასაადგილებლად. ინდოეთში მსოფლიოში ყველაზე დიდი სარკინიგზო ქსელია, რომელიც ქვეყნის უშორეს წერტილებამდეც მიდის. ნებისმიერ ინდოელს შეუძლია ნებისმიერი A პუნქტიდან - ნებისმიერ B პუნქტამდე მატარებლის საშუალებით მივიდეს.

ფუსფუსი მუმბაის რკინიგზის სადგურზე

ფოტო: Tamina-Florentine Zuch, Germany, Winner, 2016 ZEISS Photography Award

ქალების ვაგონი

ფოტო: Tamina-Florentine Zuch, Germany, Winner, 2016 ZEISS Photography Award

შორთ-ლისტი

მელანი ჰუბნერი, გერმანია

სერია: 12 სახლი.

მელანიმ 12 ოთახი გადაიღო, სადაც ადამიანები სიახლეს, ახალ ადამიანებს და ან მოულოდნელ ცნობებს ელიან.

ბორდელი

ბორდელი

ფოტო: Melanie H¸bner, Germany, Shortlist, 2016 ZEISS Photography Award

ფრანცისკო სალგიერო, პორტუგალია

სერია: სადაც ოჯახია, სახლიც იქ არის.

ფოტოგრაფმა მოხეტიალე ცირკის მსახიობების ცხოვრება და საცხოვრებელი პირობები ასახა. ადამიანები რომლებიც თავიანთ ოჯახებთან ერთად მუდმივად გადაადგილდებიან.

ყველაზე ძლიერი ადამიანი

ცირკის მსახიობი, მსოფლიოში ყველაზე ძლიერი ადამიანი - ვიქტორ მანდუკა თავისი სახლი-ვაგონის წინ ზის და ისვენებს.

ყველაზე ძლიერი კაცი მსოფლიოში

ფოტო: Francisco Salgueiro, Portugal, Shortlist, 2016 ZEISS Photography Award

პატრიცია აკერმანი, არგენტინა

სერია: Las Animitas (სალოცავი ადგილები ჩილეში)

პატრიციამ ჩილეში მოგზაურობისას ფოტოებზე გზებზე შეხვედრილი წმინდა ადგილები ასახა.

სალოცავი გზაზე.

ფოტო: Patricia Ackerman, Argentina, Shortlist, 2016 ZEISS Photography Award

ხორხე ლოპეს მუნიოსი, ესპანეთი

სერია: El Clot

El Clot ვალენსიას მეთევზეთა ისტორიულ უბანში მდებარე ერთ-ერთი საცხოვრებელი კორპუსია, რომელსაც ბოლო 15 წელია ქალაქის მთავრობა სხვა სახლებთან ერთად დანგრევას უპირებს.

El Clot-ის პატარა ბინადარი.

ფოტო: Jorge Lopez Munoz, Spain, Shortlist, 2016 ZEISS Photography Award

ჰელენ მუნტანიოლი, უკრაინა

სერიის სახელი უცნობია

ქალაქ პრიპიატის ფოტო-ისტორია. ეს უკრაინული ქალაქი 1970 წელს დაარსდა ჩერნობილის ატომური სადგურის თანამშრომლებისა და მათი ოჯახებისთვის. 1986 წლის 27 აპრილს, ჩერნობილის კატასტროფის შემდეგ, ქალაქის 50 ათასი მოსახლე იძულებული გახდა ტერიტორია 36 საათის განმავლობაში დაეტოვებინა.

აუზი პრიპიატის პედიატრიულ საავადმყოფოში.

ანარეკლი

ფოტო: Helen Mountaniol, Ukraine, Shortlist, 2016 ZEISS Photography Award

ერეზ ბიტუსი, ავსტრალია

სერია: ცხოვრება სილურჯეში

ფოტოები თავისუფალი ყვინთვისასაა გადაღებული.

მყვინთავი ქოლგით, ტონგას ნაპირებთან.

ყოველთვის ატარე ამინდი თან

ფოტო: Erez Beatus, Australia, shortlist, 2016 ZEISS Photography Award

ლასე ლეკლინი, ფინეთი

სერია: ევროპის ულამაზესი ატომური სადგურები

ეს ფოტო სერია ცდილობს ატომური ელექტროსადგურების ესთეტიური თვალით დაგვანახოს.

ჩეხეთი, ტემლინის ატომური ელექტროსადგური

ტემელინი, ჩეხეთი

ფოტო: Lasse Lecklin, Finland, Shortlist, 2016 ZEISS Photography Award

გამარჯვებულ ფოტოგრაფს 15 ათასი ევრო და Zeiss-ის ლინზები გადაეცემა.

რჩეული ფოტოსა და სხვა ფინალისტების გამოფენა ლონდონში, სომერსეტ ჰაუსში 22 აპრილიდან - 8 მაისამდე გაიმართება.