იაპონურმა კომპანია Mazda-მ ბაზრიდან 2 მილიონზე მეტი მანქანა გამოითხოვა, რომლებსაც ქარხნული წუნი აღმოაჩნდათ. მათ შორის, 400 ათასი იაპონიაში, ხოლო 1,8 მილიონი ერთეული მსოფლიო მასშტაბით.

მანქანების მთავარი ხარვეზი საბარგული ასახდელი აღმოჩნდა. ხარვეზიან 6 მოდელს შორისაა პოპულარული სპორტული მანქანები CX-3 და CX-5. პრობლემა საბარგულის ზედაპირის არასწორად შეღებვამ გამოიწვია, რამაც შესაძლოა ზედაპირის კოროზია გამოიწვიოს.

კომპანია აცხადებს, რომ ამ პრობლემას არსად ავარია, ან დაზიანებები არ მოჰყოლია.

თბილისის მაზდას ცენტრში On.ge-ს განუცხადეს, რომ კომპანიის მთავარი ცენტრიდან მსგავსი ინფორმაცია არ მიუღიათ და მათ ხარვეზიანი მანქანები არ ჰყავს.

მაზდას პრობლემა აქამდეც ჰქონია. იაპონიაში კომპანიამ 177 ათასი ავტომობილი დიზელის ძრავის დეფექტის გამო ამოიღო ხმარებიდან.