აჭარის ავტონომიური რესპუბლიკის ჯანდაცვის მინისტრმა ნუგზარ სურმანიძემ თანამდებობა დატოვა. იგი წარდგენილია ქართული ოცნების ბათუმის 70-ე მაჟორიტარულ ოლქში აჭარის უმაღლესი საბჭოს მაჟორიტარი დეპუტატობის კანიდადატად.

აჭარის მთავრობის პრესსამსახურის ცნობით, ნუგზარ სურმანიძის 4 წლიანი საქმიანობის საანგარიშო შეხვედრას დაესწრო აჭარის მთავრობის მეთაური ზურაბ პატარაძე. დღეიდან ჯანდაცვის უკვე ყოფილი მინისტრი ოფიციალურად ჩაერთვება საარჩევნო კამპანიაში. ნუგზარ სურმანიძემ მოხსენებისას ყურადღება გაამახვილა რეგიონის ჯანდაცვის სიტემის მიღწევებზე, დანერგილ სიახლეებსა და ახალ ინფრასტრუქტურულ პროექტებზე.

როგორც აჭარის მთავრობის პრესსამსახური აცხადებს, 2012 წელს აჭარის ჯანდაცვის სამინისტროს ბიუჯეტი შეადგენდა 7 503 000 ლარს. ბოლო ოთხი წლის განმავლობაში სამინისტროს ბიუჯეტი თითქმის 90 პროცენტით გაიზარდა და 2016 წელს შეადგენს 14 057 940 ლარს. ბიუჯეტის ზრდასთან ერთად გაიზარდა ჯანმრთელობის, სოციალური დაცვის, საზოგადოებრივი ჯანდაცვისა და დასაქმების პროგრამები. 2012 წელს სამინისტრო ახორციელებდა 11 პროგრამას, ხოლო 2016 წელს ახორციელებს 23 პროგრამას.