თუ 2019 წელი გეგმების გარეშე დაიწყეთ, ბიონსესა და ჯეი-ზის თქვენთვის სასარგებლო შემოთავაზება აქვთ.

ავტორმა, ვარჯიშის ფსიქოლოგმა და შოუ-ბიზნესის წარმომადგენლების პერსონალურმა ტრენერმა, მარკო ბორგესმა, ახალი წიგნი გამოუშვა: The Greenprint: Plant-Based Diet, Best Body, Better World [გრინპრინტი: მცენარეული დიეტა, საუკეთესო სხეული და უკეთესი სამყარო].

წიგნი ბიონსესა და ჯეი-ზის მიერ დაწერილი შესავლით იწყება:

"ჩვენი ცხოვრება ყველაზე მეტად შვილებმა შეცვალეს. ერთ დროს ვფიქრობდით, რომ ჯანმრთელობას დიეტით შევინარჩუნებდით. ზოგი მათგანი ჩვენთვის კარგი იყო, ზოგი — არა. როგორც კი ჯანმრთელობას შევხედეთ, როგორც მთავარ ღირებულებასა და არა უბრალოდ დიეტას, ჩვენი მისია გახდა, რომ ჭეშმარიტება და ცხოვრების ჯანსაღი წესი რაც შეიძლება მეტი ადამიანისთვის გაგვეზიარებინა".

ამერიკელი წყვილის სიტყვებით, თუ ბევრი ადამიანი დაიწყებს მცენარეულ დიეტას, გარემოზე ეს დადებით გავლენას მოიტანს:

"ჩვენ გვსურს, რომ ისევე გამოგიწვიოთ თქვენ, როგორც ეს გამოწვევა საკუთარ თავებს დავუწესეთ.

ვალდებულნი ვართ, რომ ჩვენი პლანეტის კეთილდღეობასა და საკუთარი თავების ჯანმრთელობაზე ვიზრუნოთ. გავავრცელოთ სიმართლე და ეს მისია მოძრაობად ვაქციოთ. მოდით, ყველა ერთად გავხდეთ ვეგანები".