ჩრდილოეთ კორეის ლიდერის კიმ ჩენ ინის თქმით, ის მზად არის კიდევ ერთხელ შეხვდეს აშშ-ს პრეზიდენტს, დონალდ ტრამპს, რათა მიაღწიონ თავიანთ ერთიან მიზანს ნახევარკუნძულის დენუკლერიზაციის შესახებ. ამის შესახებ The Reuters წერს. კიმ ჩენ ინი შიშობს, რომ თუ აშშ-ს გააგრძელებს სანქციებს ჩრდილოეთ კორეის წინააღმდეგ, ალტერნატიული გზის ძებნას დაიწყებს.

ჩრდილოეთ კორეის საზოგადოებრივ მაუწყებელზე კიმ ჩენ ინმა თქვა, რომ დენუკლერიზაცია იყო მისი ძლიერი სურვილი და ჩრდილოეთ კორეამ განაცხადა, როგორც ადგილობრივ ისე საერთაშორისო დონეზე, რომ აღარ შექმნის და დატესტავს ბირთვულ იარაღს.

"მე ყოველთვის მზად ვარ დავჯდე აშშ-ს პრეზიდენტთან ერთად და ვიმუშავო შედეგის მისაღებად", — განაცხადა ჩრდილოეთ კორეის ლიდერმა. თუმცა მან თქვა, რომ შესაძლოა "ახალ გზაზედასჭირდეს ფიქრი.

The Reuters-ის ცნობით, უცნობია, რა იგულისხმა კიმ ჩენ ინიმ "ახალ გზაში".

"კიმ ჩენ ინის ეს განცხადება იძლევა სკეფტიციზმის საფუძველს, რომ ჩრდილოეთ კორეამ განიზრახა უარი თქვას ბირთვულ შეთანხმებაზე", — წერს The Reuters.

კიმ ჩენ ინისა და დონალდ ტრამპის ისტორიული შეხვედრის შემდეგ, დადებითი შეფასებების მიუხედავად, ტრამპმა ჩრდილოეთ კორეას სანქციები გაუხანგრძლივა. 10 დღის წინ ნათქვამი "ჩრდილოეთ კორეიდან ბირთვული საფრთხე აღარ არის" ამერიკის პრეზიდენტმა "საგანგებო საფრთხით" შეცვალა.

ტრაპმის განმარტებით, ჩრდილოეთ კორეა ისევ უქმნის საფრთხეს ამერიკის უსაფრთხოებას. მისივე თქმით, სანქციები იმ შემთხვევაში გაუქმდებოდა თუ კიმ ჩენ ინი დენუკლარიზაციის პირობას შეასრულებდა, რაც არ მოხდა.

12 ივნისს სინგაპურში ტრამპმა და კიმ ჩენ ინმა ერთობლივ დოკუმენტს მოაწერეს ხელი. ტრამპმა პირობა დადო, რომ ჩრდილოეთ კორეისთვის უსაფრთხოების გარანტიებს უზრუნველყოფდა. კიმ ჩენ ინმა კი დაადასტურა, რომ მოხდებოდა კორეის ნახევარკუნძულის ბირთვული განიარაღება.

ამავე თემაზე: