იმისთვის, რომ 25 დეკემბერი შვილთან ერთად გაეტარებინა, ოჰაიოში მცხოვრებმა მამამ თვითმფრინავის ექვსი ბილეთი იყიდა.

პირს ვოგანი შობის დღისა და ღამის განმავლობაში ბორტგამცილებლად მუშაობდა და მისმა მამამ, ჰალ ვოგანმა საშობაო არდადეგების შვილთან ერთად ცაში ყოფნა გადაწყვიტა.

პირსის ისტორია ფეისბუქზე მას შემდეგ გავირუსდა, რაც ჰალის გვერდით მჯდომმა მგზავრმა მაიკლ ლევიმ მისი ისტორია და ფოტოები გააზიარა:

"სახლისკენ გზაზე ჰალთან ერთად ვიმგზავრე. ჩვენი ბორტგამცილებელი პირსი იყო და მას შობის განმავლობაში მუშაობა მოუწია. ამიტომაც, მამამ ბილეთები იყიდა, რომ დღეს და ხვალ ფრენისას შვილთან ერთად იყოს. რა საოცარი მამაა! ყველას გილოცავთ შობას!"

მოგვიანებით ლევის პოსტი პირსმაც გააზიარა, დედა მონიშნა და თავის სამსახურს მამისთვის დახმარების გაწევაში მადლობა გადაუხადა:

"ჩვენ ეს შევძელით, დედა! მამას პირველი მოგზაურობა ამ ბენეფიტების გამოყენებით დიდი წარმატება იყო! დიდი მადლობა ყველას, ვინც ფრენიდან ფრენამდე მას ტერმინალთან მოთმინებით ელოდა".