ქართული ოცნების დეპუტატი ენძელა მაჩავარიანი ეკონომიკის მინისტრის განცხადებას აკრიტიკებს, რომელშიც მინისტრი ამბობს, რომ "სახელმწიფო და მთავრობა არ წყვეტენ, რა ეღირება პური, საბჭოთა კავშირი აღარ არის, დაინგრა".

ენძელა მაჭავარიანი ფიქრობს, რომ საბჭოთა კავშირზე მინიშნება არასწორია, როცა მოსახლეობა სოციალურ დახმარებას საჭიროებს.

"როდესაც ჩვენი მემარცხენე-ცენტრისტული პოლიტიკური ძალის ეკონომიკის მინისტრი ბრძანებს იმას, რომ მე ეს [პურის ფასის ზრდა] არ მეხება და საბჭოთა კავშირში ხომ არ ვცხოვრობო, ესე არ არის. როდესაც 15%-მდე ადამიანს სოციალური დახმარება აქვს დანიშნული, მაშინ საბჭოთა კავშირი ხარ, სოციალურ დახმარებას რომ უნიშნავ? ესე არ შეიძლება ამის გაანალიზება, ადამიანებზე სხვანაირად უნდა ვიფიქროთ", — განაცხადა ენძელა მაჭავარიამა ტელეკომპანია პალიტრანიუსის ეთერში.

"ჩვენ არ ვკარნახობთ ბიზნესს, სახელმწიფო და მთავრობა არ წყვეტენ, რა ეღირება, საბჭოთა კავშირი აღარ არის, დაინგრა", – ასე უპასუხა საქართველოს ეკონომიკის მინისტრმა, გიორგი ქობულიამ კითხვას პურის გაძვირების შესახებ.