ქვემო ქართლში, სოფელ გაჩიანთან ცეცხლსასროლი იარაღით 3 პირი დაჭრეს. შინაგან საქმეთა სამინისტროს ინფორმაციით, მომხდართან დაკავშირებით 1 პირი ჯანმრთელობის განზრახ მძიმე დაზიანების, 2 მოქალაქე კი ჯგუფის მიერ პოლიციელისთვის წინააღმდეგობის გაწევის ბრალდებით დააკავეს.

როგორც უწყებაში ამბობენ, დაპირისპირება ურთიერთშელაპარაკების ნიადაგზე მოხდა და 48 წლის კაცმა 3 ადამიანი დაჭრა. მათი თქმით, სამართალდამცავები ადგილზე მივიდნენ და ბრალდებული განაიარაღეს, რა დროსაც მისმა თანმხლებმა 27 და 25 წლის პირებმა პოლიციას წინააღმდეგობა გაუწიეს და მათ ფიზიკური შეურაცხყოფა მიაყენეს. შსს-ში ამბობენ, რომ მათი დაკავებისას ნივთმტკიცებად ამოიღეს დანაშაულის ჩადენის იარაღი.

დაჭრაში ბრალდებულს 9-დან 13 წლამდე ვადით თავისუფლების აღკვეთა ემუქრება. პოლიციისთვის წინააღმდეგობის ბრალდებით დაკავებულებს კი 4-დან 7 წლამდე ვადით სასჯელი.