საქსტატი სამეწარმეო სფეროს სტატისტიკის ივლისის თვის მაჩვენებლებს აქვეყნებს. წინასწარი შეფასებისას მიღებული მონაცემების მიხედვით, ივლისში ჯამში 3 632 საწარმო დარეგისტრირდა. მათი რაოდენობა ცვლილება წინა წლის შესაბამის თვესთან შედარებით ერთი პროცენტით ნაკლებია.

საქსტატის ინფორმაციით, ეკონომიკური ზრდის წინასწარი შეფასებებისას გამოყენებული დღგ-ის
გადამხდელ საწარმოთა ბრუნვა 4 739 300 000 ლარს შეადგენს, ხოლო მათი ბრუნვის ზრდა წინა წლის შესაბამის თვესთან შედარებით 2,6%-ია.

საქსტატი ყოველთვიურად აწარმოებს ეკონომიკის ზრდის ყოველთვიურ წინასწარ შეფასებებს, რომელიც იანგარიშება უწყებრივი სტატისტიკის (დღგ-ის გადამხდელი საწარმოების ბრუნვების, ფისკალური და მონეტარული მონაცემების) საფუძველზე. იმ სფეროებში, სადაც ყოველთვიური მონაცემები (მაგალითად, სოფლის მეურნეობა, დაუკვირვებადი ეკონომიკის მოცულობა) არ მოიპოვება, შეფასება გაკეთებულია წინა პერიოდის მონაცემებზე დაყრდნობით. შესაბამისად, რეალური კვარტალური გაანგარიშებები შესაძლოა განსხვავდებოდეს წინასწარი შეფასებისგან.