იუსტიციის უმაღლესი საბჭოს წევრი, ნაზი ჯანეზაშვილი დღეს, 24 დეკემბერს საბჭოს სხდომაზე თავის ორი თვის შვილთან ერთად მივიდა. ასე გამოხატა მან პროტესტი იმ მოსამართლეების მიმართ, რომელსაც ის "ჩინჩალაძის კლანის" წევრებად მოიხსენიებს.

"ამიტომ მოვედი დღეს ჩემს შვილთან ერთად აქ, რომ დღეს არის დღის წესრიგში შეტანილი საკითხი, რომელიც ეხება უზენაესი სასამართლოს წევრების არჩევას და მე მინდა მოვუწოდო იუსტიციის უმაღლეს საბჭოს, რომ ისინი, შესაძლებელია, დღეისთვის ცდილობენ, რომ თავის თანამდებობები გაიმყარონ და შეიძლება, ცდილობენ, რომ უზენაესშიც გაიმყარონ თავის პოზიციები, მაგრამ მე მიმაჩნია, რომ ძალიან მნიშვნელოვანია, ჩვენ ვიზრუნოთ ჩვენს შვილებზე და მე ნამდვილად არ მინდა, ჩემი შვილი ცხოვრობდეს იმ ქვეყანაში, სადაც 25 წლის შემდეგად მათ თაობას მოუწიოს, რომ ჩინჩალაძის კლანს ებრძოლოს", — განაცხადა ჯანეზაშვილმა.

დღეს, 24 დეკემბერს იუსტიციის უმაღლეს საბჭოში საქართველოს უზენაესი სასამართლოს წევრების წარდგენის შესახებ უნდა იმსჯელონ. ნაზი ჯანეზაშვილი ამ საბჭოს არამოსამართლე წევრია.