თბილისის ივანე ჯავახიშვილის სახელმწიფო უნივერსიტეტის რექტორის მოვალეობის შემსრულებელი ფილოლოგიის დოქტორი დარეჯან თვალთვაძე გახდა. ის 2015 წლის ნოემბრიდან თსუ–ს რექტორის მოადგილე იყო.

დარეჯან თვალთვაძე უნივერსიტეტში 1980–იანი წლების დასაწყისიდან სხვადასხვა პოზიციაზე მუშაობდა.

თბილისის სახელმწიფო უნივერსიტეტში რექტორის მოვალეობის შემსრულებლის არჩევნები 20 აპრილს, დილის 10 საათიდან საღამოს 6 საათამდე მიმდინარეობდა.

აღნიშნულ თანამდებობაზე 4 კანდიდატი იყო წარდგენილი: ცირა ბარამიძე - თსუ-ს პროფესორი, ლევან გორდეზიანი - თსუ-ს პროფესორი, დარეჯან თვალთვაძე - თსუ-ს პროფესორი (რექტორის მოადგილე), გიორგი ანდრიაძე - თეოლოგის დოქტორი (საპატრიარქოს უნივერსიტეტის სამეთვალყურეო საბჭო).