წელს, ტაილანდში გამართული მის სამყაროს კონკურსი ისტორიული იყო, რადგან მასში პირველად მონაწილეობდა ტრანსგენდერი ქალი. ანჯელა პონკე სილამაზის კონკურსში ესპანეთს წარმოადგენდა.

იმის მიუხედავად, რომ პონკე ტოპ-ოცეულში ვერ მოხვდა, მისი მონაწილეობა ტრანსგენდერი ადამიანებისთვის დიდი მნიშვნელობის მატარებელი იყო.

"ამაყი ვარ და ჩემთვის დიდი პატივია, რომ მის სამყაროს ნაწილი გავხდი. ამ გამოსვლას გიძღვნით თქვენ, ვისაც ვერ გხედავენ და ვისი ხმაც არ ესმით. ჩვენ ვიმსახურებთ პატივისცემასა და თავისუფლებას სამყაროში. დღეს მე აქ ვარ, სიამაყით წარმოვადგენ ჩემს ერს, ყველა ქალსა და ადამიანების უფლებებს", - დაწერა კონკურსანტმა ინსტაგრამზე.

მის სამყაროზე ტრანსგენდერი ქალების ჩართვა 2012 წლიდანაა დაშვებული, თუმცა პონკე პირველი ტრანსგენდერია, ვინც კონკურსში მონაწილეობა მიიღო.

მის მსოფლიოს კონკურსს წარსულში ამერიკის ახლანდელ პრეზიდენტი, დონალდ ტრამპი ფლობდა. მისი ადმინისტრაცია 2018 წლის შემოდგომაზე ტრანსგენდერი ადამიანების დაუცველობაში დაადანაშაულეს.

ამავე თემაზე: