შინაგან საქმეთა სამინისტროს პრესსამსახურის ინფორმაციით, გაერთიანებული ოპოზიციის აქციის მონაწილეებს ჯერ ალტერნატიული გზა, შემდეგ კი თელავამდე ტრანსპოტირება შესთავაზეს. ამ შინაარსის განცხადება უწყებამ აქციის მონაწილეებისთვის გზის გადაკეტვის შემდეგ გაავრცელა.

ფოტო: თამუნა გეგიძე / On.ge

"მიუხედავად პოლიციის მიერ უსაფრთხოების ზომებიდან გამომდინარე შეთავაზებისა საპროტესტო აქციის მონაწილეებმა დააზიანეს საპოლიციო ტრანსპორტი და ტექნიკა", — აღნიშნულია განცხადებაში.

On.ge შინაგან საქმეთა სამინისტროსგან გზის გადაკეტვასთან დაკავშირებით დამატებით კითხვებზე პასუხს ელოდება.

გაერთიანებული ოპოზიციის წარმომადგენლები სალომე ზურაბიშვილის პრეზიდენტად ინაუგურაციის პარალელურად თელავში აქციას გეგმავდნენ. იმის გამო, რომ მათ გზა რამდენჯერმე გადაუკეტეს, უცნობია გაიმართება, თუ არა აქცია კვლავ.