თბილისის არქიტექტურაზე საუბრისას, პირველი რაც თავში აზრად მოგვდის ის ქაოსური მშენებლობებია, რომლებმაც ქალაქს ბევრი ვერაფერი შემატეს და გარეგნული იერი დაუმახინჯეს.

საბედნიეროდ, ამ სოკოებივით მომრავლებულ შენობებს შორის, დროთა განმავლობაში დედაქალაქს რამდენიმე ისეთი ახალი შენობაც შეემატა, რომლებსაც გამორჩეული და ინოვაციური დიზაინი აქვს.

სავარაუდოდ, სწორედ ეს გახდა მიზეზი, რის გამოც ევროკომისიამ და Mies Van Der Rohe-ს ფონდმა 2019 წელს ევროკავშირის არქიტექტურულ პრემიაზე 383 პროექტს შორის რვა ქართული შენობაც შეარჩია.

"არქიტექტურას, რომელიც მჭიდროდ უკავშირდება სამშენებლო ბაზარს, კულტურული მესიჯის მატარებელია და სოციალური ცვლილების მოხდენა შეუძლია", - ნათქვამია EU Mies Award-ის განცხადებაში.

საქართველოს სახელით, ევროპის არქიტექტურული პრემიის მოსაგებად ფუნქციითა და სტილით ერთმანეთისგან რადიკალურად განსხვავებული შენობები იბრძოლებენ.

სასტუმრო მოქსი თბილისი

ფოტო: იური მეჩითოვი

ბლექ სი არენა

ფოტო: ზოი ბრაუნი

დარბაზი ქორეოგრაფ თეა დარჩიას საცეკვაო სტუდიისთვის

ფოტო: დავით გიორგაძე

ფაბრიკა

ფოტო: Nakanimamasakhlisi Photo LAB.

განახლებული შენობა დეზერტირების ბაზრისთვის

ფოტო: გიორგი გოგუა

თბილისი პარკ ჰოტელი

ყავის ქარხანა

ფოტო: გიორგი ხმალაძე

ჭაჭის ცერემონიის პავილიონი

ფოტო: იური პალმინი

ჟიური გამარჯვებულს 2019 წლის 7 მაისს, ბარსელონაში გამოავლენს.