იუსტიციის მინისტრის, თეა წულუკიანის ცნობით, დღეს არცერთი უცხოელის სახელზე სასოფლო სამეურნეო მიწა არ დარეგისტრირებულა:

"ვნებათაღლვა არის უადგილო, არ არის საჭირო ღია კარის მტვრევა და მითუმეტეს, ხელის შეშლა რიგითი მოქალაქეებისთვის".

იუსტიციის მინისტრმა იმედი გამოთქვა, რომ ხვალიდან მოქალაქეებს ხელი აღარ შეეძლებათ სასწრაფო სერვისის მიღებაში:

"როდესაც თბილისის იუსტიციის სახლში მოდის ათიათასამდე ადამიანი, ზოგს აქვს პასპორტი ასაღები და რამდენიმე საათში ფრენა აქვს, ზოგს გარდაცვალების რეგისტაცია ეჩქარება, ზოგს სურს სამშობიაროში მიბრუნდეს მეუღლესთან და დაბადების მოწმობა ეჩქარება, ასეთ ადამიანებს, სამწუხაროდ, ხელი შეუშალა საპროტესტო აქციამ".

იუსტიციის სახლთან აქცია დღეს, 10 დეკემბერს, დილის 9 საათიდან იმართებოდა. ქსენოფობიური განწყობების ჯგუფები, მათ შორის ქართული მარშის წევრები და პარლამენტის დეპუტატები პატრიოტთა ალიანსიდან საკონსტიტუციო სასამართლოს იმ გადაწყვეტილებას აპროტესტებდნენ, რომლითაც საქართველოს მოქალაქეობის არ მქონე პირებს სასოფლო-სამეურნეო დანიშნულების მიწის ყიდვა შეუძლიათ.

ქსენოფობიური განწყობების მატარებელი ჯგუფები ეთნიკურად არაქართველ მოსახლეობას იუსტიციის სახლის სერვისებით სარგებლობის უფლებას უზღდავდნენ და განუმარტავდნენ, რომ 16 დეკემბრამდე არ მისულიყვნენ. ისინი კანის ფერის მიხედვით წყვეტდნენ ვინ იყო ქართველი და ვინ — არა.