თითქმის საუკუნოვანი ისტორიის შემდეგ რუსული გაზის ერთ-ერთი ყველაზე ძველი მყიდველი პოლონეთი მომმარაგებელს მთლიანად ჩაანაცვლებს. ქვეყანა გეგმავს, რომ გაზპრომისაგან იმპორტირებული ენერგიის 63 პროცენტი სხვა წყაროებით ჩაანაცვლოს. ინფორმაციას ბლუმბერგმა 8 თებერვალს გაავრცელა.

პოლონეთის მთავრობის წევრის განცხადებით, აღნიშნული პროექტი 2022 წლისთვის განხორციელდება და პოლონეთი აღარ განაახლებს ხელშეკრულებას გაზპრომთან. სწორედ ამ დროისთვის იგეგმება ე.წ. ბალტიური მილსადენის პროექტის ექსპლუატაციაში შესვლა. ბალტიური გაზსადენი ნორვეგიული გაზით აღმოსავლეთ ევროპის ქვეყნებს ამარაგებს.

რუსეთის ჩანაცვლების პროექტში, ასევე, მნიშვნელოვანი იქნება აშშ-სგან და ყატარისგან შესყიდული თხევადი გაზი, რომლის წილი ყოველწლიურად იზრდება.

2022 წლის შემდეგ პოლონეთის გაზმომარაგების სტრუქტურა ძირეულად შეიცვლება. ის საჭირო ენერგიის 43 პროცენტს ნორვეგიიდან მიიღებს, 37 პროცენტს — გაზმომარაგების კომპანია LNG-სგან, ხოლო დანარჩენი 20 პროცენტს ადგილობრივი წარმოებით შეავსებს.

საბჭოთა კავშირი დანგრევის შემდეგ პოლონეთი რუსული გაზის ჩანაცვლების მიმართულებით აქტიურად მუშაობს. პოლონეთი, ასევე, მკაცრად ეწინააღმდეგება პროექტ Nordstream-ს, რომელიც მნიშვნელოვნად გაზრდის ცენტრალური ევროპის ქვეყნების დამოკიდებულებას რუსულ გაზზე.