"არ დაუბრუნო მოძალადეს ძალაუფლება", — ამ სახელწოდებით მრგვალ ბაღთან აქცია დღეს, 25 ნოემბერს გაიმართა. აქციის ორგანიზატორებმა ხალხს მოუწოდეს, მივიდნენ არჩევნებზე და ხმა წინა ხელისუფლების საწინააღმდეგოდ მისცენ. აქციის ძირითადი ნაწილი 10 წუთს გრძელდებოდა.

მათივე თქმით, აქციის მიზანი იმის ჩვენებაა, რომ, ახალგაზრდების აზრით, ძალაუფლება ძალადობას არ შეიძლება დაუბრუნდეს. ორგანიზატორებმა აქციაზე ბანერებიც მოიტანეს, რომლებიც, მათი თქმით, წინა ხელისუფლების პერიოდში გარდაცვლილ პატიმართა რაოდენობას ასახავს.

ფოტო: ეკუნა ჯანიაშვილი/ On.ge

აქციის ორგანიზატორთა თქმით, წინა არჩევნებზე არ მივიდნენ, თუმცა ახლა სხვა გზა აღარ რჩებათ. მათ განაცხადეს, რომ ეს მდგომარეობა ამჟამინდელი მთავრობის პასუხისმგებლობაცაა.

კითხვაზე — აპირებენ თუ არა, შეუერთდნენ პატრიოტთა ალიანსის აქციას, ორგანიზატორმა განაცხადა, რომ არ აპირებს, თუმცა "თუ ვინმე შეუერთდება, საწინააღმდეგო არაფერი ექნება".

ფოტო: ეკუნა ჯანიაშვილი / On.ge

ფოტო: ეკუნა ჯანიაშვილი / On.g

მრგვალ ბაღთან აქცია დაწყებიდან რამდენიმე წუთში, უცნობის სიმღერით დასრულდა.