შაბათს, 11 საათზე, კლუბ KHIDI-ის კარი გაიღება სტუმრებისთვის, რომელთაც Touch სამიტი ციფრულ სამყაროში ამოგზაურებს.

11 საათიდან, Main stage-ზე შეხვდებით სპიკერებს კომპანიებიდან: Google, Airbnb, Farfetch, Google Cloud, Philips, Morethandigital, საქართველოს ტურიზმის ეროვნული ადმინისტრაცია და ა.შ. სპიკერების სრული სია შეგიძლიათ იხილოთ ბმულზე.

ისინი ისაუბრებენ ციფრული სამყაროს დღევანდელ გამოწვევებზე, საინტერესო გადაწყვეტილებებზე, პრობლემების მოგვარების ალტერნატიულ გზებზე და განსხვავებულ გამოცდილებაზე.

მთავარ სივრცეში მოეწყობა Startup Area, სადაც ქართული ციფრული სტარტაპები წარსდგებიან თავიანთი პროდუქტებით და გექნებათ საშუალება გაეცნოთ და მიიღოთ მეტი ინფორმაცია კონკრეტული სტარტაპების შესახებ.

12 საათიდან Startup Stage-ზე PowerPoint Karaoke-სთან ერთად იწყება ფიჩინგისთვის გამამხნევებელი ვარჯიშები, რასაც მოჰყვება პანელური დისკუსია ქვეყნის ეკოსისტემის განვითარების პერსპექტივებზე. 2 საათიდან კი დაიწყება Pitch Competition (ე.წ. ფიჩების შეჯიბრი), ციფრული მიმართულების სტარტაპებს შორის.

Startup Stage-ზე პანელური დისკუსიით დასრულდება აქტივობები, რომელიც სტარტაპების შესაძლებლობებსა და გამოწვევებს შეეხება.

KHIDI-ზე ასევე გათვალისწინებული იქნება რამდენიმე სივრცე (Food Zone, Game Zone) სადაც შეძლებთ შეხვდეთ მეგობრებს, გაუზიაროთ შთაბეჭდილებები, მიირთვათ ან უბრალოდ ითამაშოთ და განიტვირთოთ.

სამიტზე დაუკრავს Red Bull Music-ის მონაწილე, ქართველი არტისტი, თორნიკე მარგველაშვილი.

ღონისძიების ბოლოს მოისმენთ ფინალურ Pitch-ს და გამოვლინდება Touch 2018.

სამიტზე დასასწრები ბილეთების შესაძენად ეწვიეთ tkt.ge-ს. სტუდენტებისთვის მოქმედებს ფასდაკლება და ფასი 20 ლარი იქნება.

ღონისძიების პარტნიორები არიან საქართველოს ტურიზმის ეროვნული ადმინისტრაცია და თბილისის მერია. მხარდამჭერების სრული სიის სანახავად გადადით ბმულზე.