შეიძლება უკვე თამამად ითქვას, რომ ნეტფლიქსის სერიალი, Haunting Of Hill House, ბოლო დროის ერთ-ერთი საუკეთესო ჰორორია. ამას მოწმობს როგორც კრიტიკის გამოხმაურება, ასევე მაყურებლის ძალიან, ძალიან დადებითი შეფასება.

მიუხედავად იმისა, რომ სერიალი საკმაოდ საინტერესო იყო და შემქმნებელი ცდილობდნენ ყველა დეტალი აეხსნათ, შოუს დასრულების შემდეგ შეკითხვები მაინც დარჩა, მასზე პასუხის გაცემას კი არავინ ჩქარობს.

ამ ეტაპზე უცნობია ექნება თუ არა სერიალს მეორე სეზონი, თუმცა, თუ ექნება, წინასწარი ინფორმაციით, მაყურებელი სულ სხვა ისტორიას იხილავს, რომელსაც არანაირი ბმა არ ექნება პირველი სეზონის მოვლენებთან.

გთავაზობთ ათ კითხვას, რომელიც Haunting Of Hill House-ის ნახვის შემდეგ ყველას დაგვრჩა.

1. რა ძალა გააჩნია თეოს? რატომ არის ის ერთადერთი ქრეინია, რომელსაც განსაკუთრებული ძალა გააჩნია?

სცენარისტებმა თითქოს სცადეს აეხსნათ, რომ თეოს ეს ძალა დედისგან და დიდი ბებიისგან გადაეცა, თუმცა, მიუხედავად ამისა, მთავარი შეკითხვები მაინც უპასუხოდ არის დარჩენილი. რა თქმა უნდა, ჩვენ თეოს ზებუნებრივი ნიჭის წინააღმდეგი არ ვართ, თუმცა მაინც მეტს ველოდით.

2. თეომ ყველაფერი დაინახა, თუმცა ამის შესახებ არაფერი უთქვამს

გახსოვთ ის სცენა, როდესაც მამას თეო სახლიდან გამოჰყავს? ამ დროს თეო თავისი "შეხების უნარით" ყველაფერს ხედავს, თუმცა წლების განმავლობაში ამის შესახებ დუმილს ამჯობინებს.

3. რას ნიშნავს წითელი ოთახი? რა საიდუმლოს მალავს? როგორ მუშაობს?

მთელი სერიალი თითქმის მხოლოდ ამ ერთი ოთახის გარშემო ტრიალებს, ყველაფერი საბოლოოდ მას უკავშირდება, თუმცა მოიძებნება კი ისეთი მაყურებელი, რომელმაც საბოლოოდ გაიგო რა ჯანდაბაა ეს ოთახი? როგორ მუშაობას? იმედია ოდესმე ამ კითხვაზე პასუხსაც გავიგებთ.

4. რანაირად გადის დრო სერიალში?

მიუხედავად იმისა, რომ წარსულსა და მომავალში გადახტომები მაყურებელს ისედაც აბნევს, მაინც შეუძლებელია გაიგო რანაირად მუშაობს დრო სერიალში.

5. ვინ დაალაგა ღილები ნელის თვალებზე?

ქრეინები ნელის თვალებზე ორ სხვადასხვანაირ ღილს ამჩნევენ, თუმცა ამ საიდუმლოს ახსნას არავინ ცდილობს.

6. რატომ არ ეკიდება ცეცხლი ჰილ ჰაუსს?

ლუკს ძალიან უნდოდა ჰილ ჰაუსის დაწვა, ამისთვის სახლში ბენზინი მიიტანა და ცეცხლი წაუკიდა, თუმცა ამან არ იმუშავა. საინტერესოა, რა ძალა ეწინააღმდეგება ამას? იქნებ მთლიანი სახლი მოჩვენებაა?

7. ვინ არის მესაათე?

მესაათის მოჩვენება ამ საშიშ ისტორიაში ბევრჯერ ჩნდება, თუმცა არავი უცდია მისი რეალური მისია და ისტორია ჩვენთვის აეხსნა. ვინ არის? იქნებ მისი დამსახურებაა დროის ასეთი ცვლილება? თუ ისიც სახლის მსხვერპლია და მთელი ცხოვრება ეს საათი უნდა გააკეთოს?

8. რატომ ეჩვენება შირლის ბარში გაცნობილი კაცი?

მაშინ როდესაც დანარჩენ ქრეინებს მოჩვენებები ელანდებიან, შირლი ბარში გაცნობილ ადამიანს ხედავს, იმას, ვისთანაც ქმარს უღალატა. საინტერესოა რატომ? იქნებ ისიც მკვდარია და მოჩვენებაა?

9. ფინალური ეპიზოდის დროს, ვხედავთ ჰილ ჰაუსში დაბრუნებულ დადლებს, რომლებიც უკვე ღრმა მოხუცები არიან. როგორ დაბერდნენ ასე სწრაფად?

დღემდე გაუგებარია, ამ სცენაში მომავალია ნაჩვენები, თუ ისევ ჰილ ჰაუსის დროის მანქანასთან გვაქვს საქმე? როგორ ემატებათ დადლებს ქრეინისგან განსხვავებულად ასაკი?