საქართველოს ყოფილი პრეზიდენტი, მიხეილ სააკაშვილი ქართული ოცნების მიერ დაქირავებულ პიარსპეციალისტს, მოშე კლუგჰაფტს ანტისემიტურ კონტექსტში მოიხსენიებს, როგორც "ვიღაც ებრაელი აფერისტი".

"ეგერ ვიღაც ებრაელ აფერისტს, მოშეს მისცეს მილიონ ორასი ათასზე მეტი, რომ ეს ბილბორდები დაამზადოს დაჯღანული სახეებით, რომლებიც თბილისში გამოფინეს. ერთი სიტყვით, ისინი არიან სულ პანიკაში, ხან რას იგონებენ, ხან რას", — ამბობს მიხეილ სააკაშვილი ქართულ ოცნებაზე საუბრისას.

ცნობილი პიარტექნოლოგი მოშე კლუგჰაფტი ქართულმა ოცნებამ საპრეზიდენტო არჩევნების მეორე ტურისთვის, სალომე ზურაბიშვილის კამპანიისთვის ჩამოიყვანა. ამის შესახებ ტელეკომპანია რუსთავი 2-ზე, შაბათის კურიერმა მოამზადა ვრცელი სიუჟეტი.

მიხეილ სააკაშვილისთვის ქსენოფობიური ტიპის განცხადება ახალი არ არის. რამდენიმე კვირის წინ საქართველოს მესამე პრეზიდენტმა ქვეყნის ტურისტულ განვითარებაზე საუბრისას განაცხადა, რომ ქვეყანას მხოლოდ მდიდარი ტურისტები სჭირდება.

15 სექტემბერს ტოლერანტობისა და მრავალფეროვნების ინსტიტუტის (TDI) განმარტებით, სააკაშვილის განცხადებები მიზანმიმართულად ქსენოფობიურია. ინსტიტუტს მაგალითად მოჰყავდა სააკაშვილის ერთ-ერთი განცხადება, რომელშიც ის ამბობს, რომ საქართველოში დროებითი ბინადრობის მქონე პირებს "ქართველების სამუშაო ადგილები მიაქვთ".

მესამე პრეზიდენტი დისკრიმინაციულ განცხადებებზე საუბარია არა ფობიას! ერთ-ერთ განცხადებაში. არა ფობიას! განცხადებით, სააკაშვილი შედარებების გზით დამამცირებელ და შეურაცხმყოფელ კონტექსტში იხსენიებს სხვადასხვა ეთნიკურ ჯგუფსა და ქალებს.