ხორავას ქუჩის საქმეზე მოწმეზე ზემოქმედებაში ბრალდებულმა, მერაბ მორჩაძემ ბრალი აღიარა და ის სასამართლო დარბაზიდან გაათავისუფლეს. თბილისის სამოქალაქო სასამართლომ მორჩაძის მიმართ გამამტყუნებელი განაჩენი გამოიტანა.

პროკურატურის განცხადებით, მერაბ მორჩაძე ცნობილი იქნა დამნაშავედ სისხლის სამართლის კოდექსის 372 მუხლის 1 ნაწილით გათვალისწინებული დანაშაულის ჩადენისათვის, რაც გულისხმობს მოწმის დაყოლიებას მიწოდებული ინფორმაციის შეცვლისათვის.

რაც შეეხება სასჯელს, პროკურორ მირიან გელაშვილის თქმით, ბრალდებულმა აღიარა და მოინანია ჩადენილი დანაშაული, მან მიმართა პროკურატურას საპროცესო შეთანხმების გაფორმების მოთხოვნით. აქედან გამომდინარე, გაუფორმდა საპროცესო შეთანხმება და დაენიშნა სასჯელი თავისუფლების აღკვეთა 2 წლის ვადით, რაც ჩაეთვალა პირობითად იმავე გამოსაცდელი ვადით.

მერაბ მორჩაძე 8 ივნისს მოწმეზე ზემოქმედების ბრალდებით დააკავა და აღკვეთის ღონისძიების სახით პატიმრობა შეუფარდა.

სასამართლოს განმარტებით, ბრალდებული ხორავას ქუჩაზე მომხდარი არასრულწლოვნების მკვლელობის საქმეზე, ერთ-ერთ მოწმესთან, მიხეილ კალანდიასთან სახლში მივიდა, გაეცნო როგორც ნათესავი და მკვლელობის საქმეზე ბრალდებულ გ.ჯ.-ს მამის მეგობარი. მორჩაძემ მას გადასცა თანხა 200 ლარის ოდენობით და პერიოდულად თანხის გადაცემის მიზნით უკავშირდებოდა მოწმეს. მკვლელობის საქმეზე არსებითი განხილვის დაწყების შემდეგ ბრალდებული მორჩაძე კვლავ ეწვია მოწმეს სახლში და ფულადი ანაზღაურების სანაცვლოდ მკვლელობაში ბრალდებულის სასარგებლოდ ჩვენების შეცვლა შესთავაზა (ურჩია).

გაიგეთ მეტი: