სარეაბილიტაციო ცენტრის დატოვების შემდეგ, ამერიკელი მუსიკოსი დემი ლოვატო ინსტაგრამზე დაბრუნდა და ფანებისთვის მნიშვნელოვანი მესიჯი გაავრცელა.

26 წლის მომღერალმა 70,5 მილიონ გამომწერს ამერიკის შუალედურ არჩევნებში მონაწილეობისკენ მოუწოდა.

"მადლობელი ვარ, რომ ხმის მისაცემად სახლში დავბრუნდი. ერთ ხმას ცვლილების მოტანა შეუძლია, ასე რომ, დარწმუნდი, რომ მსოფლიოს შენს ხმას გააგონებ. გამოდი და მიეცი ხმა", - დაწერა მან ინსტაგრამზე.

დემი ლოვატომ სარეაბილიტაციო ცენტრი, სავარაუდოდ, გასულ კვირას დატოვა. მუსიკოსი გადაჭარბებული დოზის გამო ლოს-ანჯელესის საავადმყოფოში 24 ივლისს მოხვდა. გამოწერის შემდეგ, მან მკურნალობა სარეაბილიტაციო ცენტრში განაგრძო.