გორგასალი, აღმაშენებელი, ჩაკვეტაძე, შხამიანი გველები

2018 წლის საპრეზიდენტო არჩევნები უკანასკნელია, როცა საქართველოს მოქალაქეებს ქვეყნის მთავარსარდლის არჩევა შეუძლიათ. მიუხედავად იმისა, რომ არჩევნებზე 25 კანდიდატი იყო რეგისტრირებული ამომრჩევლებს მაინც გაუჭირდათ ღირსეულის შერჩევა. ალბათ, ამიტომ საარჩევნო ბიულეტენებზე ახალი კანდიდატები გაჩნდა დავით აღმაშენებლის, ვახტანგ გორგასლის, გიორგი ჩაკვეტაძისა და ჯაბა კანკავას სახით.

საარჩევნო უბნების ნაწილზე On.ge-ს ჟურნალისტებს გაბათილებული ბიულეტენების გადაღების უფლება არ მისცეს, მაგრამ არასამთავრობო ორგანიზაცია საერთაშორისო გამჭვირვალობა საქართველო ბათილი ბიულეტენების ფოტოებს აქვეყნებს.

სპორტული არხი Setanta.ge კი იმ ბიულეტენებს აქვეყნებს, სადაც ამომრჩევლები საქართველოს ეროვნული ნაკრების კაპიტანს, ჯაბა კანკავას და ფეხბურთელს, გიორგი ჩაკვეტაძეს ირჩევენ.