ტელეკომპანია რუსთავი 2-ის გენერალური დირექტორი, ნიკა გვარამია ამბობს, რომ მათი არხი აღარ დათანხმდება ქართული ოცნების თავმჯდომარის, ბიძინა ივანიშვილის მიწვევას ინტერვიუზე. ამის შესახებ არხის დირექტორმა საავტორო გადაცემაში განაცხადა.

"რუსთავი 2 არ მოვა, რა თქმა უნდა, ჩვენ უკვე გავარკვიეთ ერთმანეთთან ურთიერთობა. საზოგადოებასაც გავაგებინეთ ყველაფერი. ელაპარაკეთ ახლა ობიექტივს და იმ ტელევიზიებს, რომლებიც დაიბარეთ და კიდევ ტელეკომპანია იბერიას, რომელიც დახურეთ და ცინიკურად დაიბარეთ", — აღნიშნა ნიკა გვარამიამ.

გუშინ, 24 ოქტომბერს 3 ჟურნალისტთან სატელევიზიო ინტერვიუს დროს ივანიშვილმა რუსთავი 2-ის კრიტიკას დიდი დრო დაუთმო. შემდეგ კი აღნიშნა, რომ განსხვავებული აზრის რუსთავი 2-ში შეტანაზე მუშაობენ. დღეს, 24 ოქტომბერს, ინტერვიუს მეორე დღეს, მუქარის ეჭვის გასაფანტად ივანიშვილის პრესსამსახურმა რუსთავი 2 ინტერვიუზე კიდევ ერთხელ მიიწვია.