ყველაზე დიდმა თვითმფრინავმა, რომლის მომზადებასა და კვლევების ჩატარებაზეც წლები დაიხარჯა ჰაერში 20 წუთი იფრინა. ის ლონდონის კარდინქტონის აეროპორტიდან აფრინდა და სატესტო გაფრენის შემდეგ უსაფრთხოდ დაჯდა.

თვითმფრინავი სახელწოდებით Airlander 10 დაახლოებით 92 მეტრი სიგრძისაა და ყველაზე დიდ სამგზავრო თვითმფრინავზე 15 მეტრით დიდია. თვითმფრინავი ბრიტანული კომპანია Hybrid Air Vehicles მიერაა შექმნილი. მისი შიდა კორპუსი 38 ათასი კუბი ჰელიუმითაა სავსე, რომელიც ნახშირბადის ბოჭკოების ულტრადასხივებით მიიღება. მის აეროდინამიკურობასა და სიმსუბუქეს სწორედ ჰელიუმი განსაზღვრავს.

მისი გამოყენება შეიძლება როგორც სამხედრო, ისე სამგზავროდ და საკომუნიკაციოდ. კომპანია იმედოვნებს, რომ 2021 წლისათვის წარმოებას წელიწადში ათამდე გაზრდის.

თვითმფრინავის შექმნაზე £3.4 მილიონი დაიხარჯა. მას 10 ტონა ტვირთის გადატანა 168 კმ/სთ სიჩქარით შეუძლია და ასაფრენი ბილიკიც არ სჭირდება სიჩქარის ასაკრეფად. მას ადგილიდან აფრენა შეუძლია როგორც მიწიდან, ასევე თოვლიდან, უდაბნოდან და წყლიდანაც კი.

მისი მაღალი ღირებულების გამო დაფინანსებაში მონაწილეობას იღებდა აშშ. თვითმფრინავი ლონდონის სამეფო საჰაერო ძალების კარდინქტონის აეროპორტშია მოთავსებული.